Lady cop na nagprotekta sa PCOS machines pinarangalan

MANILA, Philippines - Tumanggap ng para­ngal ang isang lady cop na na­katalaga sa North Cota­bato ma­tapos itong magpa­kita ng katapangan at ka­bayanihan sa pagba­ ban­tay sa mga precinct count optical scan (PCOS) machine sa polling precinct sa ba­yan ng Pikit noong May 10 polls.

Si PO1 Gerna Garcia ay gina­waran ng Medalya ng Kadakilaan matapos na hindi umalis sa binaban­tayan ni­tong polling centers upang bigyang protek­syon ang mga PCOS machine sa Talitay Elementary School sa Barangay Talitay, Pikit, North Cotabato.

Lumilitaw na sumiklab ang sagupaan ng magka­labang apat na kandida­tong alkalde malapit sa pol­ling center na binaban­tayan ni PO1 Garcia.

Buo ang loob na prino­tek­ta­han ni Garcia ang mga PCOS machine at iba pang election paraphernalia kung saan tinulungan ang mga Board of Election Inspectors (BEI’s), Come­lec officers at mga botante na magtago sa kalapit na mu­nisipyo habang nag­kaka­putukan.

Napayapa lamang ang kaguluhan matapos na mag­res­ponde ang pinag­sanib na elemento ng Co­tabato Provincial Public Safety Management Company sa pa­mumuno ni P/Inspector Elias Dandan at ng Army’s 7th Infantry Battalion ni Lt. Col. Domingo Gob­way. Wala namang na­sak­tang mga botante at maging ang mga election personnel.