'Holdap me,' sinisilip ng -pulisya... Manager hinoldap: P12.5 milyon tangay sa mall

CAMP VICENTE LIM, Laguna , Philippines   — Aabot sa mil­yong halaga ng pera ang natangay mula sa manager ng money changer sa naga­nap na holdap sa loob ng mall sa bayan ng Das­ma­riñas, Cavite kaha­pon ng umaga.

Lumilitaw sa inisyal na police report, katatapos lang mag-withdraw ng pera sa Robinsons Bank na nasa Robinsons Mall si Alfredo Manalo, manager ng JMY Money Chan­ ger nang holdapin ng mga armadong lalaki bandang alas-10:12 ng umaga.

Sa pahayag ni Manalo sa mga imbestigador, bigla na lang siyang tinutukan ng baril ng apat na kala­ lakihan bago hinablot ang hawak na halagang P12.5 milyon.

Reklamo ni Manalo, na­ganap daw ang panghohol­dap sa harap lang ng mga security guard ng mall pero hindi man lang daw siya natulungan. Sinisilip ng mga imbes­ti­gador ang anggulong ‘inside job’ ang naganap na holdap dahil sa sinasa­bing may ilang be­ses na nahoholdap si Ma­­nalo si­mula pa noong 2005 kaya isasailalim siya sa tactical interrogation, ayon kay P/Senior Supt. P. Tabujara.