Sundalo todas sa heat stroke

MANILA, Philippines - Namatay sa heat stroke ang isang aplikan­ teng sun­dalo, saman­talang la­bing-anim iba pa ang na­­hilo at isinugod sa os­pital ma­tapos na hindi maka­ya­nan ang matin­ding init ng pa­nahon ha­bang nag­sasanay sa bayan ng Ga­mu, Isabela, kama­kalawa.

Kinilala ni Col. Loreto Ma­­­ ngundayao Jr., spokesman ng Army’s 5th Infantry Division ang nasawing rekrut na si Ericson Pascua ng Cordon, Isabela.

Samantala, isinugod na­man sa ospital matapos na makaranas ng matinding dehydration at heat ex­haust­ion ang 16 pang ka­samahang rekrut.

Nabatid na nag-umpisa ang pagsasanay noong Miyerkules kung saan du­maan sa tinatawag na reception ang may 350 ba­gong rekrut na sundalo sa Division Training Unit ng 5th Infantry Division sa na­banggit na bayan.

“Actually binubuga­ han pa sila ng tubig ng mga bumbero, pero si Pascua lang ang nagka­ganon, si­guro mahina lang talaga ang katawan niya,” paha­yag ni Ma­ngundayao.

Ang mga sundalong re­krut ay dumaan sa matin­ding pagsubok at pagsasa­nay na rekisitos sa mga nais sumabak sa hukbo ng militar.

Kaugnay nito, sinabi pa ng opisyal na matapos na malapatan ng gamot ay nakabalik na sa kampo ng militar ang ilang rekrut na sundalo.