Supporters ng talunang mayoral bet nanunog
MANILA, Philippines - Sinunog ng mga armadong kalalakihan na sinasabing mga supporter ng talunang mayoralty bet ang apat na eskuwelahan sa naganap na magkakahiwalay na insidente ng karahasan magkahiwalay sa Barangay sa bayan ng Akbar, Basilan.
Kabilang sa mga sinunog na eskuwelahan ay ang Kaddayan Elementary School sa Barangay Kadayan; Mangalut Elementary School sa Barangay Mangalut; Pagengan Primary School sa Barangay Pangengan at Upper Sinangkapan Primary School na pawang nasa bayan ng Akbar.
Ayon kay P/Senior Supt. Antonio Mendoza, bigla na lamang lumusob ang mga armadong lalaki at magkakahiwalay na sinunog ang mga eskuwelahan.
Naganap ang unang panununog noong gabi ng Martes habang ang tatlo pa ay sinunog naman kamakalawa ng madaling-araw matapos na maiproklama ng Comelec ang nagwaging alkalde sa nasabing bayan sa katatapos na halalan. Gayon pa man, tumanggi naman si Mendoza na tukuyin ang pangalan ng nasabing talunang mayoralty candidate.
- Latest
- Trending














