BAYOMBONG, Nueva Vizcaya – Nabahiran ng dugo ang masayang kasalan matapos na pagbabarilin at mapaslang ang isang barangay chairman na kabilang sa mga bisita sa nabanggit na okasyon sa Barangay Bauan, Solana, Cagayan kamakalawa ng gabi. Napuruhan sa ulo si Chairman Nathaniel Dayag ng Barangay Gen. Balao sa bayan ng Solana.
Ayon kay P/Chief Supt. Roberto Damian, Cagayan Valley regional director, lumilitaw na nagkakasiyahan sina Dayag at mga kasamahan nitong bisita sa kasalan sa bakuran ng pamilya ng ikinasal nang biglang umalingawngaw ang sunud-sunod na putok ng baril.
Duguang bumulagta si Dayag kung saan naisugod pa ito sa St. Paul Hospital sa Tuguegarao City pero idineklarang patay.