10 minero nalibing nang buhay

BAYOMBONG, Nueva Vizcaya , Philippines  — Sampung mi­ne­ro ang pinanini­walaang nalibing nang buhay sa minahan na nasa kabun­dukan ng Kasibu, Nueva Vizcaya.

Ayon kay P/Senior Supt. Pedro Danguilan, provincial police director, ang bangkay ni Balong Amboy ng Quirino Province ay na­kuha sa minahan ng Ba­ran­gay Alimit matapos gu­muho ang tunnel kung saan nagmimina ang mga biktima.

Ayon sa ulat, noong April 8 nang pumasok ang mga minero sa tunnel at hindi na nakalabas mata­pos bumigay ang mga gina­mit na poste ng mi­nahan.

“One of these miners possibly hit a post of the tunnel by accident, which caused it to cave in,” pahayag ni Danguilan.

Sa kasalukuyan ay pi­nag­hahanap pa ang mga biktima na nasa loob ng minahan.

Nabatid na ang Baran­gay Alimit ay katabi ng Barangay Didipio kung saan matatag­puan ang controbersyal na multi-billion peso gold-copper project ng gobyerno.

Samantala, agad na­man na ipinag-utos ni Gov. Luisa Cuaresma ang pag­dadala ng mga minero ng matataas na kalibre ng baril.