6 bulagta sa bakbakan

MANILA, Philippines - Tatlong sundalo at tat­long rebeldeng New People’s Army ang napaslang ma­tapos na makasagupa ng tropa ng pamahalaan ang grupo ng mga rebelde na nangangam­panya sa mga iniindorso nilang kandidato sa Paquibato District, Davao City kama­kalawa.

Sa ulat ng hepe ng Army’s 10th Infantry Division na si Major Carlos Holganza, na­ga­nap ang sagupaan sa liblib na lugar sa Barangay Lumiad, Paquibato District kung saan napatay sina Cpl. Moises Gaddawan, Pfc Caesar Gadot at Pfc Glenn Haro; pawang miyembro ng 69th Infantry Battalion ng Philippine Army.

Base sa intelligence report, tinatayang tatlo o higit pa ang mga nasawi sa mga rebelde na binitbit ng mga nagsitakas sa kasamahang NPA.

Napag-alamang naka­tanggap ng ulat ang tropa ng militar kaugnay sa pre­sensya ng mga rebelde na nagsasa­gawa ng house-to-house campaign para sa mga inii­ndorso nilang kan­didato at partylist group.

Sinasabing ang mga kan­didatong ikinakam­panya ng NPA ay ang mga nag­bayad lamang sa ka­nilang grupo ng permit to campaign (PTC) fees na ipina­pataw sa mga puli­tikong tumatakbo sa iba’t-ibang posisyon sa gob­yerno.