Market official dakma sa pagpapaputok ng baril

BATANGAS, Philippines – Kulu­ngan ang binagsakan ng isang public market official matapos maaresto ng pu­lisya dahil sa pagpapapu­tok ng baril sa campaign rally sa bayan ng San Juan, Batangas kamakalawa ng gabi.

Pormal namang kaka­su­­han base sa Comelec gun ban si James Mar­quez, 59, ng Barangay Pa­lahanan 2nd, San Juan, Batangas at public market administrator sa nabanggit na bayan.

Sa report na nakarating kay P/Senior Supt. Alberto Supapo, umaalalay si Mar­quez bilang security ni San Juan Mayor Danilo Minda­nao sa campaign rally sa Barangay Palahanan 2nd nang magpaputok ito ng baril bandang alas-7:30 ng gabi

Kaagad namang ina­resto si Marquez sa pa­ngu­nguna ni SPO4 Roberto Canuel saka kinumpiska ang ha­wak na baril.

Sa panayam ng PS Ngayon sa imbestigador, natuwa lang daw si Mar­quez na lango sa alak sa pagdalaw ni Mayor Minda­nao sa kanilang barangay kaya nakapag­paputok ng baril sa ere. Arnell Ozaeta