Naghagis ng sanggol tinodas

BULACAN , Philippines  — Hindi napigil ang galit ng isang lalaki kaya pi­nag­sasaksak hanggang sa mapatay nito ang mister na nag­hagis ng sanggol sa mga kainuman ng alak sa Brgy. Santol sa bayan ng Balagtas, Bulacan kamakalawa ng gabi. Kinilala ni P/Senior Insp. Jose Sonza ang napaslang na si Rogelio Ma­caraig, 41, maintenance crew ng Star City, at residente ng North­ville 6, Brgy. Santol, Balagtas, Bulacan.

Tugis naman ng pu­lisya ang suspek na si Pablito “Butok” Avila ng Northville 8, Brgy. Bancal, Malolos City, Bulacan.

Napag-alamang nag­yayabang na inihagis ng biktimang lango sa alak ang kanyang anak na tatlong buwang gulang sa mga kainuman subalit maagap naman nasalo. Napikon naman ang suspek sa inasal ng biktima kaya isinagawa ang pamamaslang. Boy Cruz