MANILA, Philippines - Isang 26 anyos na negosyanteng Pakistani national ang nakatakas sa kanyang mga kidnapper na pinaghihinalaang miyembro ng Moro Islamic Liberation Front rogue elements sa Datu Odin Sinsuat, Maguindanao, kamakalawa.
Kinilala ang biktima na sinundo ng grupo ni Cotabato City Mayor Muslimin Sema at ng pulisya na si Waseem Sajjed Khan, residente ng Barangay Bulalo, Cotabato.
Sinasabing dinukot si Khan sa Barangay Kurentem, Datu Odin Sinsuat may tatlong araw na ang nakakalipas.
Nang makatulog ang mga kidnapper kamakalawa ng madaling-araw ay hindi na nag-aksaya ng pagkakataon ang biktima na tumakas sa pamamagitan ng pagtalon sa bintana na nagtatakbo. Joy Cantos