Misis kinatay ni mister

CAMP SIMEON OLA, Legazpi City, Philippines — Isang 55-anyos na misis na naaktuhang nakikipag-inuman ng alak sa mga  kala­lakihan sa loob ng videoke bar ang pinagsasaksak hanggang sa mapatay ng kanyang mister kamakalawa ng gabi sa Ba­rangay Sagrada sa bayan ng Bagamanoc, Ca­tanduanes. Ki­nilala ng pulisya ang biktima na si Ester Coral habang tugis naman ng pulisya ang suspek na si Rollay Coral. Base sa police report, lumilitaw na namataan ng sus­pek ang kan­yang misis na nakikihalubilo sa mga ‘di-pa kila­lang lalaki sa videoke bar kung saan ay nakisalo pa sa inuman ng alak. Napag-alamang sinalubong ng suspek ang kan­yang misis na inakalang may karelasyong ibang lalaki saka isinagawa ang krimen. Ed Casulla