Eskuwelahan nasunog

KIDAPAWAN CITY, Philippines — Tinatayang aabot sa P.2 milyong halaga ng ari-arian ang naabo makaraang masunog ang pagdarausan ng graduation ng mga mag-aaral ng Binoligan Elementary School sa Barangay Binoligan, Kidapawan City, kahapon ng umaga. Ayon sa ulat, nagsimulang mag-apoy ang social hall matapos ang ilang minutong blackout kung saan pumutok ang fuse ng kuryente hanggang sa kumalat ang apoy sa buong gusali. Kaagad naman pinalabas ang mga mag-aaral mula sa klasrum kaya walang iniulat na nasugatan. Kasalukuyang naghahanap ng lugar ang principal ng eskwelahan sa pagdarausan ng kanilang graduation sa Lunes (Marso 29). Malu Manar