Batangas, Philippines — Pitong tulak ng droga ang naaresto ng mga awtoridad sa magkakahiwalay na operasyon sa Batangas at Laguna kamakalawa.
Kinilala ang mga naarestong suspek sa Batangas na sina Ronald Lam Laurena at Micahel Leus Marquis ng Barangay Poblacion Uno, Tanauan City.
Lima namang hinihinalang tulak ng shabu ang naaresto sa magkahiwalay na operasyon sa Calamba City at San Pablo City noong Miyerkules at Huwebes ng gabi. Kinilala ng pulisya ang mga ito na sina Lauro Lagdameo, 38, ng Barangay Canlubang, Richard Ilagan, 23, ng Barangay Parian at Christina Chavez ng Barangay Parian ng Calamba City.
Tiklo din sa San Pablo City sina Aldrin Andor, 30, ng Barangay Felomina at Ferdinand Madriaga, 49, ng Barangay Sta. Monica, San Pablo City sa isang buy-bust operation noong Huwebes sa Barangay San Juan. Arnel Ozaeta