Camarines Norte, Philippines— Hindi na nairaos ang Valentine’s Day ng isang 53-anyos na mister makaraang magbigti sa punong kahoy sa likuran ng kanilang tahanan sa Purok 5, Barangay Magang sa bayan ng Daet, Camarines Norte kahapon ng hapon. Naisugod pa sa Santissima Trinidad Hospital si Alexis Imperial subalit idineklarang patay. Hindi naman makapaniwala ang ina na si Aling Concepcion, sa ginawa ng kanyang anak na dinalaw pa naman niya para makasama sa Valentine’s Day. Itinanggi naman ng misis na may problema ang kanyang mister sa pamilya. Pinaniniwalaan naman ayaw makita ng biktima ang kanyang ina sa Valentine’s Day kaya nagpasalubong kay kamatayan. Francis Elevado