MARIVELES, Bataan, Philippines — May 20 tripulante ng bangkang FB/Alicia double-9 ang inaresto ng seaborn patrol at pulisya dahil sa iligal na pangingisda nila sa karagatang Sakop ng Barangay Alas-Asin, Mariveles kahapon ng umaga.
Hindi na nakalayo pa ang bangkang pangisda matapos na maaresto ng mga pulisya ang boat captain na kinilala ni Bataan Police Director P/Sr.Supt Arnold Gunnacao na si Estelito Almero, 32 anyos, ng Barangay Camaya, Mariveles at pagmamay-ari ni Armando Cajanding ng San Jose, Navotas.
Narekober ng mga authoridad ang 30 kahon na naglalaman ng iba’t ibang klase ng isda na tumitimbang na 200kg na tinatayang aabot sa halagang P25,000. Jonie Capalaran