Pedestrian inararo: Konsehal kalaboso

BATANGAS, Philippines – Kalabo­so ang binagsakan ng isang municipal councilor maka­raang maka­sagasa ng mga pedestrian sa bayan ng Calaca na nag­resulta ng pag­kasawi ng isa habang tatlong iba pa ang nasu­gatan ka­hapon ng umaga.

Ayon kay P/Senior Supt. Alberto Supapo, Batangas police director, nahaharap sa kasong reckless imprudence resulting to homicide and multiple serious physical injuries si Calaca Councilor Ramon Valencia, 36, ng Barangay Puting Kahoy matapos masagasaan at napatay si Romeo Santi­nes, 66, ng Barangay Pu­ting Bato, Calaca, Batangas.

Dead-on-the-spot si Santines, saman­talang su­gatan na­­man sina Maria Maullon, 60; Felisa La­guras, 60; at Ar­­­senia De Leon, 52, pawang mga nakatira sa Barangay Pu­ting Bato West, Calaca.

Nabatid na binabagtas ni Valencia ang national highway sa Barangay Pu­ting Kahoy sakay ng Toyota Land Cruiser (NGY-786) nang aksi­dente ni­tong ma­sa­gasaan ang tumatawid na si Santines bandang alas-5 ng umaga

Napag-alamang mata­pos mabangga at napatay ni Valencia si Santines, na­walan ng control ang sa­sakyan kaya inararo naman ang tatlong biktima na naglalakad sa kabilang linya ng highway.

Naitakbo naman sa Metro Lemery Medical Center ang tat­­long sugatan kung saan bolutaryo sumu­ko si Valen­cia sa pulisya para harapin ang kau­kulang kaso na isa­sampa laban sa kanya. Arnell Ozaeta