MANILA, Philippines - Anim na pulitiko na pawang kandidato sa halalan sa Mayo ang nagbayad umano ng malaking halaga ng permit to campaign fee sa New People’s Army para makakampanya sila sa balwarte ng mga rebelde sa Southern Tagalog.
Ito ang ibinunyag kahapon ni Defense Secretary Norberto Gonzales pero tumanggi siyang tukuyin ang pangalan ng naturang mga pulitiko.
Sinabi ni Gonzales na ang naturang mga pulitiko ay mula sa lalawigan ng Quezon at Laguna pero patuloy pa ang pangangalap nila ng ebidensya laban sa mga ito.
Makikipagpulong anya siya sa naturang mga kandidato upang personal na alamin sa mga ito kung bakit kailangang magpadala sila sa takot sa pa ngingikil ng komunistang grupo. “Yun ang listahan na ibinigay sa akin eh sa Laguna kaya ang plano ko kausapin, mabuti na yung harapin, nagbigay ka raw ng ganito totoo ba yan, o malalaman naman natin yan,” sabi ng Ka lihim. Joy Cantos