1 patay sa sunog, 120 bahay naabo

MANILA, Philippines - Nabahiran ng trahedya ang Dinagyang Festival matapos na masawi ang isa katao at 18 ang nasu­gatan habang umaabot na­man sa mahigit 120 ka­ba­hayan ang natupok sa na­ganap na sunog sa Iloilo City nitong Sabado ng ma­daling araw.

Halos hindi na makilala ang bangkay ng biktimang si Trinidad Formacion, 48 anyos.

Batay sa report ng Iloilo City Fire Marshal, pasado alas-12:25 ng madaling araw nang tupukin ng apoy ang may 120 kabahayan sa Barangay Nabitasan, La Paz District ng lungsod na ito sa gitna na rin ng sele­brasyon ng Dinagyang Fes­tival sa lungsod.

Bigla na lamang nag­kagulo ang mga residente sa lugar nang mabilis na kumalat ang apoy na tu­mu­pok sa mag­kakatabing mga kabahayan.

Tumagal ng ilang oras ang sunog bago ito tulu­yang naapula dahil masya­dong masikip sa nasabing lugar at karamihan sa mga kabahayan ay gawa sa mahihinang klase ng ma­teryales.