Mister ipinapatay ni misis sa amiga

SAN JOSE DEL MON­TE CITY, Bulacan, Philippines – Isang negosyante ang ipinapatay umano ng sa­rili niyang asa­wa sa isa nitong kaibigang babae sa loob ng kanilang bahay sa Barangay Sta. Cruz 5 sa bayang ito kama­kalawa ng gabi.

Kinilala sa ulat ni P/Supt.Ed­win Quilates kay OIC Bu­lacan Provincial Director P/Supt. Ed­gardo Tinio ang biktima na si Al­berto Aguillon, 56-anyos.

Tinutugis ng pulisya ha­bang isinusulat ito ang mi­sis ni Aguillon na si Rosemarie Reyes-Aguillon, 52 anyos, at amiga nitong si Evelyn Lino ng Bulacan St., Brgy. Pa­yatas, Quezon City.

Nauna rito, masaya pang nag-iinuman sina Aguillon at Lino sa balkonahe ng na­tu­rang bahay habang nasa banyo si Rosemarie nang ma­­karinig ito ng putok ng baril. 

Nang sumugod si Rose­marie sa balkonahe ay nakita na niyang nakabulagta at may dalawang tama ng baril sa ulo ang kanyang mister.

Sa una ay nahirapan ang mga imbestigador sa pag-analisa sa kaso dahil magkaiba ang salaysay ng dalawang babae sa mga pulisya.

Dahil dito, naghinala ang mga imbestigador na  isa sa dalawang ba­bae ang nakapatay sa bik­ti­ma at nadagdagan pa ito ng report ng SOCO na ma­lapitan nang barilin ang biktima at narekober din ang baril na ginamit.

Lumutang naman sa pu­lisya kinalaunan ang isang 16-anyos na babae na nag­tapat na narinig niya ang pinag-usapan ng dalawang babae na may ibang ka­laguyo ang biktima.

Nagplano umano ang da­­­lawa ng gagawin laban sa bik­tima.