Cathedral sa Jolo binomba

CAMP S.K. PENDA­TUN, Maguindanao, Philippines — Ni­yanig ng malakas na pag­sabog ang loob ng Our Lady of Mt. Carmel Cathedral sa bayan ng Jolo sa Sulu kung saan lumikha ng matinding takot sa mga deboto at itinigil ng pari ang umagang misa kahapon.

Kasalukuyang tugis ng mga awtoridad ang dala­wang kalalakihan na sina­sabing naghagis ng gra­nada sa loob ng nabanggit na cathedral.

Lumilitaw na magda­raos sana ng misa si Oblate Missionary Jose Ante na magsisimula bandang alas-6 ng umaga subalit pan­samantalang kinansela dahil sa naganap na pam­bobomba bandang alas-5 ng umaga.

“Buti na lang wala pang mga tao kaya walang mga nasaktan, God is still pro­tect­ing us,” pahayag ni Ante.

Ayon sa ulat, sumabog ang granada malapit sa magkatabing libingan nina Sulu’s former Bishop Benjamin De Jesus at ang ka­una-unahang American Catholic Vicar na si David McSorley kung saan ilang metro lamang ang layo mula sa altar.

Magugunita na si ex-Bishop De Jesus ay pinag­babaril ng dalawang gunmen malapit din sa na­banggit na cathedral kung saan ang isa sa mga sus­pek ay sinasabing kaanak ng dating alkalde ng lala­wigan.

Nawasak ang mga ja­lousies ng bintana ng na­banggit na cathedral dahil sa matinding pag­sabog ng granada, ayon kay Ante.

Kinondena naman ni ARMM acting Governor An­sarudin Adiong ang na­ganap na pagsabog na itinuring niyang satanic act.

Itinuturing na pinaka­matandang simbahan ang Mt. Carmel Cathedral na nasa sentro ng bayan ng Jolo na sinasabing ilang ulit na binomba sa loob ng da­lawang dekada.

Sinisisi naman ng ARMM PNP ang grupo ng religious extremists na nasa likod ng pag-atake sa worship site.