Mag-asawa dedo sa killer bus

CAMP SIMEON OLA, Legazpi City, Philippines — Punerarya ang binagsakan ng mag-asawang nakamotorsiklo makaraang suwagin ng pampasaherong bus sa diversion road sa Barangay Bibingacahan, Sorsogon City kamakalawa ng hapon. Lumilitaw na papauwi na ang mag-asawang sina Inego Duazo at Lorna Duazo sa Sitio Bangcal, Barangay San Roque, Bacon District nang masalpok ng El Palma Bus Liner (TYM 492).Tumakas naman ang drayber ng bus na si Narding Navarro. Sa beripikasyon ng pulisya, nakarehistro ang bus sa pangalang Eduardo Lanuza ng AB3 Woodstrew Martin Ville Subd. sa Manuyo Dos, Las Piñas City, Metro Manila. Ed Casulla