P150M ari-arian naabo

Zambales, Philippines — Tinata­yang aabot sa P150 mil­yon halaga ng ari-arian ang tinupok ng apoy ma­ka­raang masunog ang pamil­ihang bayan ng Iba, Zam­bales kamakalawa ng gabi.

Sa ulat ni Inspector Leo Sanchez, hepe ng BFP, lu­militaw na nagsi­mula ang sunog bandang alas-8:30 ng gabi kung saan nag­mula ang apoy sa isang tindahan na im­pakan ng mantika sa loob ng pa­lengke.

“Isang tindera ang agad na kumuha ng tubig at ibinuhos sa apoy su­balit sa halip na mamatay ay lalo itong lumaki at ku­malat,” pahayag ng isang testigo.

Naapektuhan ng su­nog ang may 1,200 tin­dahan kung saan tumagal ng apat na oras bago tu­luyang naapula ng mga tauhan ng pamatay su­nog.

Samantala, inatasan na ni Zambales Governor Amor Deloso si Iba Mayor Danilo Pamoleras na pulu­ngin agad ang konseho ng bayan upang talakayin ang pagta­tayo ng pansamanta­lang palengke at ang rel­o­kasyon nito.

Nangako naman ang gobernador na handa itong mag-donate ng kanyang sariling pera upang ga­mitin sa pagpapatayo ng ba­gong palengke.

“Dapat mapagpas­ya­han agad ng konseho ang pagpapatayo ng pa­ leng­ke dahil isa ito sa pa­­nguna­hing pasilidad ng bayan,” dag­dag pa ni De­loso. Randy Datu at Alex Galang