Mayor niratrat, nakaligtas

LUCENA CITY, Philippines — Nakaligtas sa kamatayan si Tiaong, Quezon Mayor Raul Umali nang hindi siya tinamaan ng bala sa pamamaril sa kanya ng hindi pa nakikilalang mga suspek sa naturang bayan kahapon ng umaga. 

Kalalabas lang ni Umali sa St. John the Baptist Parish Church at pasakay na siya sa kanyang kotse nang dumating ang mga suspek na lulan din ng isang kotse at pinagbabaril ang alkalde. 

Mabilis namang natabig ng kanyang mga bodyguard si Umali kaya hindi ito tinamaan sa pamamaril. Sinikap namang habulin ng mga close in security ni Umali ang mga suspek pero mabilis itong nakatakas sakay ng isang kotse. Arnell Ozaeta