AdCongress saludo sa SBMA

OLONGAPO CITY , Philippines  — Namangha at sumaludo ang organizer ng 21st Philippine Advertising Congress (PAC) sa kakayahan ng Subic Bay Metropolitan Authority (SBMA) na mag-host ng napakalaking pag­ti­ti­pon sa loob lamang ng maikling paghahanda.

Ito ang inamin ni Char­maine Canillas, chairperson ng Philippine Advertising Board, na nangasiwa sa biennial AdCongress na ginanap sa Subic Bay Exhibition and Convention Center noong Nobyembre 18-21.

Makaraang salantahin ng kalamidad ang Baguio City, kailangang ilipat ang venue ng 21st AdCongress at nagdesisyon ang organizer na gawin muli sa Subic Freeport Bay.

“Tinanggap kami ng SBMA, kahit tatlong linggo na lamang bago ang pag­sisimula ng okasyon,” pahayag ni Canillas.

“Humanga kami sa ka­kayahan ng SBMA dahil pinatunayan kahit gaano kalaking okasyon at ka­ikling panahon, propes­yunal pa rin ang kanilang kilos at desisyon,” dagdag ni Canillas.

Aabot sa 3,000 dele­gado mula sa industriya ng advertising ang lumahok sa naturang okasyon, hindi pa kabilang ang daan-daang crew at staff ng mga sponsor na naglagay ng kani-kanilang booth. Randy Datu at Alex Galang

Show comments