50 residente sa Subic binantaan

ZAMBALES , Philippines  – Nagpa­ha­yag ng pagkabahala ang may 50 residente ng Mag­dalena Homes Subdivision sa bayan ng Subic, Zam­bales makaraang maka­tanggap ng mga pagba­banta sa pamamagitan ng text messages mula nang magsagawa ang mga ito ng protesta laban sa sina­sabing opisyal ng bogus homeowners association. 

Sa pahayag ni Jaime Castillo, pangulo ng Mag­da­lena Homes Homeow­ners’ Association sa Ba­rangay Sto. Tomas na ang pinaka­huling pagbabanta sa kani­lang seguridad ay nang bugbugin ang dalawa nilang miyembro at wasa­kin ang gamit na video camera ng mga tauhan ng management habang na­gaganap ang protest rally sa harapan ng gate ng subdivision.

Napag-alaman na ang kaguluhan laban sa mga homeowner ay nagsimula noong April 2008 matapos mag-protesta ang mga residente sa pagtatalaga ng management sa mga opisyal ng asosasyon na sinasabing bogus.

Nanawagan ang mga residente ng nabanggit na subdibisyon sa mga kina­uukulang ahensya ng local na pamahalaan para ma­pigil ang nakaambang tra­hedya. Randy Datu at Alex Galang