P2-M ransom sa kinidnap na principal

MANILA, Philippines - Humihingi ng P2 mil­yong ransom ang mga bandidong Abu Sayyaf Group kapalit ng kalayaan ng principal ng pam­publi­kong eskuwelahan sa ele­mentarya sa Sulu.

Ayon kay P/Supt. Danilo Bacas, PNP-ARMM spokes­man, sinabi nito na kasalu­kuyan nilang inaalam ang impormasyon hinggil sa sinasabing paghingi ng mga kidnaper ng P2 milyon sa pamilya ng bihag na si Gabriel Canizares.

Samantala, nanindigan naman si P/Chief Supt. Paisal Umpa, regional director na mahigpit nilang ini­implementa ang no ransom policy ng gobyerno.

Batay sa ulat ng Joint Task Force Comet ng AFP, si Canizares ay dinukot ng grupo nina Abu Sayyaf sub-commander Amlum Abdun at Juhurin Hussin sa ilalim ng liderato ni Abu Sayyaf Commander Ra­dulan Sahiron na may pa­tong sa ulong P10 milyon.

Gayon pa man, patuloy din ang koordinasyon ng Sulu Provincial Police Office at ng Joint Task Force Comet kaugnay ng isinasa­gawang search and rescue operation.

Sinasabing may mala­lim na layunin ang grupo ng Abu Sayyaf kaya dinu­kot si Canizares dahil ta­nging ito lamang ang bini­hag at iniwan ang ibang guro.

 “Sa kinidnap na principal, we are trying to get in­formations. So, it’s not just simple abduction dahil dun sa nakitang circums­tances na siya lang pi­nuntirya there are deeper,” pahayag ni Lt. Col. Romeo Brawner ng AFP public affair office.

Si Canizares, 39, ng Ka­nague Elementary School sa Patikul, Sulu ay dinu­ kot ng mga bandido ha­bang lulan ng pampa­saherong jeepney noong Oktubre 12.

Nabatid na tanging si Canizares lamang ang tinangay ng mga kidnaper sa grupo ng mga guro na sakay ng pampasaherong jeepney.