7 katao natusta
Camp Vicente Lim, Laguna, Philippines – Natusta ang pitong-katao, kabilang ang dalawang paslit nang masunog ang kanilang bahay sa Dasmariñas, Cavite Biyernes ng umaga.
Ang mga biktima ay nakilalang sina Vilma Contreras 38, at mga anak na sina Venice, 2 Genevieve, 5 at ang mga katulong na sina Corazon Gonzales, 21, Christine Gonzales, 2, Jeneth Mitra at Reynetteann Pastelero, pawang mga residente ng Block 19, Lot 1 Phase 2 Mabuhay 2000, Barangay Paliparan 2, Dasmariñas, Cavite.
Ang insidente ay naganap dakong alas-4:20 ng umaga sa ikalawang palapag ng bahay ng mga biktima dahil sa umano’y electrical faulty wiring at tumagal ang sunog hanggang alas-6:05 ng umaga.
Narekober naman ang bangkay ng tatlong biktima sa loob ng kwarto habang ang apat ay nakahandusay sa CR. Masuwerte naman nakaligtas ang anim na anak ni Vilma na sina Roger, 23; Nevelyn, 14; Nicole Dian, 13; Patrick at Gretchen Camigue matapos na gumamit ang mga ito ng pinagdugtung-dugtong na kumot at ginawang tali para makababa mula sa nasusunog na bahay.
Wala namang nadamay na ibang bahay o istraktura sa naganap na sunog. (Arnell Ozaeta/Tina Timbang)
- Latest
- Trending
