52 nadale ng diarrhea sa Bulacan

MANILA, Philippines - Limampu’t dalawang si­bilyan ang iniulat na tina­maan ng diarrhea sa bayan ng Ma­ rilao, Bulacan mata­pos mana­lasa ang bagyong Ondoy noong nakalipas na linggo.

Ito ang nabatid kahapon matapos ang isinagawang pag­bisita ni Defense Secretary Gilberto “Gibo” Teodoro Jr. sa bayan ng Marilao, ang pinakagrabeng sinalanta ng bagyong Ondoy.

Sa panayam, sinabi ni Ma­rilao Mayor Efipanio Guiller­mo, taliwas sa napa­ulat na ba­wat barangay ay tinamaan ng diarrhea ay 52 lamang ang kanilang naitala at dalawa dito ay na-dehydrate bunsod upang mara­tay sa ospital.

Nabatid na ang Ba­rangay Luma Degato ay nakaligtas sa lupit ni “Ondoy kung saan hindi nakaligtas ang 16 na barangay sa flashflood.

Si Teodoro, kasama ang AFP medical team ay sina­mahan ni AFP Chief of Staff Gen. Victor Ibrado sa isina­­ga­wang medical mission sa Brgy. Abangan Sur at Brgy. Lam­bakin sa bayan ng Ma­rilao.

Kaugnay nito, inatasan ni Sec. Teodoro ang mga opis­yal ng Provincial Disaster Coordinating Council (PDCC) na makipagkoor­dinasyon sa mga lokal na opisyal ng pa­ma­halaan upang ihanap ng relocation site ang mga 160 pamilya na karamihan ay na­ninirahan malapit sa Marilao River. Joy Cantos