CAMP SIMEON OLA, Legazpi City , Philippines– Isang 22-anyos na maybahay na si Rachel Homo ang brutal na pinaslang ng hindi pa nakikilalang salarin sa labas ng kanyang bahay sa Barangay Ginangan, Magallanes, Sorsogon kamakalawa ng gabi.
Nagtamo ng 23 tama ng taga ng patalim sa katawan si Homo at halos maputol ang kanyang kamay sa ginawa sa kanya ng salarin.
Nangingisda sa laot ang asawa ni Homo nang paslangin ito. Hindi pa mabatid ng pulisya ang motibo ng krimen. (Ed Casulla)