4 na holdaper todas sa pulisya

MANILA, Philippines - Apat na pinaghihina­laang miyembro ng isang robbery gang ang napatay matapos makipagbarilan sa nagrespondeng mga elemento ng pulisya sa la­lawigan ng Iloilo kamaka­lawa ng gabi.

Kinilala ang isa sa mga nasawing suspek na si Rey­nold Rumawak, resi­dente ng Caloocan City.

Sinabi ng pulisya na na­ganap ang insidente ban­dang alas-7:00 ng gabi sa isang beach resort sa ba­yan ng San Dionisio sa na­turang lalawigan.

Nauna rito, hinoldap ng mga suspek ang isang tin­dahan ng isang negos­yanteng Chinese sa bayan ng Sara kaya naalerto ang pulisya.

Natiyempuhan ng pu­lisya sa naturang beach re­sort ang mga suspek na lulan ng mga motorsiklo pero nakipagbarilan ang mga ito hanggang sa ma­pa­tay ang mga ito. (Joy Cantos)