San Fernando City hinagupit ng buhawi

MANILA, Philippines - Tatlumpung mga kaba­hayan ang nawasak mata­pos na hagupitin ng buhawi at malakas na ulan na may kasamang yelo ang isang barangay sa San Fernando City, Pam­panga, kamaka­lawa ng gabi.

Sa ulat ng Office of Civil Defense, dakong alas-6 ng gabi ng umulan na may ka­samang yelo na sinlaki ng kamatis sa Northville Subdivision, Brgy. Calulut ng lungsod na ito. Matapos ang pag-ulan ay bigla na lang umanong nakarinig ang mga residente dito ng malakas na ugong kasu­nod ang malaking buhawi.

Sa lakas ng naturang buhawi ay maraming puno ang nabuwal at 30 kabaha­yan ang nawasak at nata­ngay ang mga bubungan.

Ilan sa mga residente ay nagsidapa umano sa lupa upang hindi matangay ng pu­ wersa ng malakas na buha­wi. Dahil sa pagkasa­lanta ay humingi ng tulong sa local na pamahalaan ang mga resi­denteng na­biktima ng pana­nalasa ng buhawi para mu­ling ma­itayo ang kanilang mga bahay. (Joy Cantos)