P1M donasyon ng Hanjin sa Zambales

ZAMBALES, Philippines — Aabot sa P1 milyong halaga ng cons­truc­tion materials ang ipina­ma­hagi ng Hanjin Heavy Industries & Construction Co. Ltd (HHIC-Phil Inc) para sa mga residenteng naapektu­han ng tubig-baha sa ba­yan ng Botolan, Zambales. 

“Naisip namin na hindi sa­pat ang mga pagkain na pina­dala namin noong ka­sagsa­gan ng bagyong Kiko at nakita namin ang agarang panga­ngailangan para sa pagpapa­ayos sa kanilang mga taha­nan kaya nagde­sisyon ang aming kompanya na magbi­gay ng mga construction materials,” paha­yag ni Taek Kyun Yoo, general manager for external trade part ng HHIC kay Zam­bales Gov. Amor Deloso.

Hindi ito ang unang pag­ka­kataon na nagbigay ng tu­ long ang HHIC- Phil Inc. kung saan namahagi rin ito ng tu­long sa mga naapek­tuhan ng bagyong Cosme sa bayan naman ng Sta. Cruz noong Mayo 2008.

Ang Hanjin shipyard na may pinakamalaking paga­waan ng barko sa buong mundo ay nakapagbigay ng trabaho sa 18,000 katao mula sa Zambales, Bataan, Olon­gapo at karatig lugar sa Central Luzon. (Alex Galang)