MANILA, Philippines - Patay ang isang bagitong pulis samantalang grabe namang nasugatan ang isang nurse makaraang aksidenteng magsalpukan ang dalawang motorsiklo sa kahabaan ng Maharlika Highway sa Brgy. San Carig Sur, Tuguegarao City, Cagayan kamakalawa. Idineklarang patay sa Cagayan Valley Medical Center si PO1 Paulino Anguluan ng Combat Support Company ng 2nd Regional Mobile Group at residente ng Rizal, Cagayan. Kasalukuyan namang isinasalba ang buhay ni Rolly Domingo, 24, nurse, ng Flora, Apayao. Sa police report na nakarating sa Camp Crame, bumabagtas ang motorsiklo (PN –8478) ni Domingo sa highway nang makabanggaan nito ang motorsiklo (BZ 8553) ni Angululan. Joy Cantos