2 mag-asawa dakma sa droga
BULACAN, Philippines – Bumagsak sa kamay ng pulisya ang dalawang mag-asawang nagtutulak ng bawal na droga sa isinagawang magkahiwalay na buy-bust operation sa mga Brgy.San Jose, Bulakan at Brgy.San Pedro, Bustos, Bulacan kamakalawa at kahapon.
Pormal na kinasuhan ng pulisya, ang mag-asawang sina Berdan Maglangsakay, 28 at Imelda Maglangsakay, 31, matapos maaresto sa kanilang bahay sa Sitio Panique, Brgy.San Jose sa bayan ng Bulakan, Bulacan.
Samantala, nasakote naman ng pulisya ang mag-asawang sina Alexander Macapagal, 39; at Marife Macapagal, 36, kapwa nakatira sa Sitio Little Baguio, Brgy.Poblacion, Baliwag, Bulacan.
Ang mag-asawang Macapagal ay naaktuhang nagbebenta ng shabu sa asset ng pulisya sa loob ng kuwarto sa Hikari Hotel sa Gen. Alejo Santos Highway sa Brgy.San Pedro, Bustos, Bulacan. (Boy Cruz)
- Latest
- Trending
