Medical officer ng NPA sumuko

MANILA, Philippines - Isang amasona na sinasabing medical officer  ng mga re­bel­deng New People’s Army ang iniulat na sumuko sa militar  sa Kalinga, ayon sa ulat kahapon. Sa ulat ni Army’s 5th Infantry Division chief Major Gen. Nestor Ochoa, kinilala  ang sumukong rebelde na si Margarita Lammawin ng Kilusang Larangang Gerilya Baggas. Isinurender din nito ang M16 rifles  at sari-saring uri ng mga bala. Sa inisyal na interogasyon, ang 19-anyos na si Lam­ mawin ay sumapi sa kilusan simula noong 1988 hanggang 2003 kung saan inamin nito na nag­desisyon siyang sumuko bunga ng matinding demorali­sasyon sa hanay ng liderato ng NPA gayundin sa matinding hirap at gutom. Joy Cantos