BATAAN , Philippines – Brutal na kamatayan ang sinapit ng mag-asawang trader na sinasabing may ilang araw ng nawawala kung saan natagpuan sa magkahiwalay na lugar sa Bataan at Pampanga noong Biyernes ng hapon.
Ayon kay P/Senior Insp. Jess Martin, si Eddie Agustin, 49, ng Senate Village, Caloocan City at ex-chairman ng Dou Mac Inc. sa Quezon City ay natagpuan sa madamong bahagi ng Brgy. Calaylayan kung saan nagtamo ito ng tama ng bala sa kanang balikat.
Samantala, ang asawa ni Eddie na si Vivian Agustin at ang kanilang kotseng Honda Civic ay natagpuan sa bayan ng Floridablanca, Pampanga.
Sa impormasyong nakalap ng pulisya, lumilitaw na ang mag-asawa ay patungong Bataan mula sa Maynila para kausapin ang isang ahente ng heavy equipment na kanilang planong bilhin.
Sa panayam ng pulisya sa ahente ng heavy equipment na hindi na nakarating ang mag-asawa sa pinag-usapang lugar sa Bataan kaya inakala nitong hindi na interesado. Jonie Capalaran