NPA camp nakubkob

MANILA, Philippines - Nakubkob ng militar ang isang malaking kampo ng mga rebeldeng New Peo­ple’s Army na nagresulta sa pagkamatay ng isa nitong miyembro habang marami pa ang nasugatan sa ope­rasyon sa San Luis, Agu­san del Sur kamakalawa.

Dakong alas-3:00 ng hapon nang lusubin ng 26th Infantry Battalion ng Philippine Army ang kuta ng mga rebelde sa Sitio Tabon-Tabon, Barangay Mahag­say, San Luis.

Nakuha sa lugar ang bangkay ng isang napatay na rebelde na inaalam pa ang pagkakakilanlan.

Nakuha rin sa kampo ang isang M16 rifle, isang shotgun, mga subersibong dokumento at mga personal na kagamitan.

Nabatid na ang nakub­kob na kampo ay may wa­long bunkers na may isang kusina at pinaniniwalaang pinagku­ taan ng Front Committee 88 ng North Central Mindanao Regional Committee ng NPA. (Joy Cantos)