2 sa Sadam Gang napatay

MANILA, Philippines - Dalawang pinaghihina­laang miyembro ng Sadam robbery gang ang napatay sa pakikipagbarilan sa mga pulis sa Pagbilao, Quezon ka­ ha­pon ng madaling-araw.

Kinilala ng pulisya ang mga suspek na sina Randy Obal at Eric Banayado, kap­wa residente ng Luce­na City.

Ayon kay CALABARZON Police Director Chief Superintendent Perfecto Palad, dakong ala-1:00 ng mada­ling-araw nang magkabarilan ang mga suspek at ang mga pulis sa Pagbilao-Tayabas Road sa Barangay Bukal sa naturang lungsod.

Naunang sinita ng mga pulis ang mga suspek dahil sa paggamit ng motorsiklo na walang plaka matapos ang mga itong masabat.

Gayunman, agad na pi­naputukan ng mga suspect ang mga operatiba ng pu­lisya na humantong sa ba­rilan.

Lumilitaw sa imbesti­gas­yon ng mga awtoridad na ang grupo ay sangkot sa mga panghoholdap sa lala­wigan kabilang ang pagta­ngay sa P1.6 milyong bonus ng mga guro sa Mauban, Quezon noong Mayo 21.

Nakuha sa pinangya­rihan ng barilan ang isang caliber 45 pistol, isang caliber 38 pistol, tatlong basyong bala ng M-16 rifle, tatlong basyong bala ng 9mm pistol at bas­yong bala para sa 38 revolver at isang motorsiklo.