MANILA, Philippines - Pinaniniwalaang hindi matanggap na kalasan ng nobya, nagdesisyon ang isang 17-anyos na hayskul student ang nagpakarit kay kamatayan matapos itong magbigti sa palikuran ng kanilang tahanan kamakalawa sa Jaro, Iloilo City, Iloilo.
Bandang alas-7 ng gabi nang matagpuang nakabitin gamit ang sinturon sa kisame ng palikuran si Elias Menjo Jr. ng Jalandoni Street, Jaro, Iloilo City.
Ayon sa tiyahin na si Maricel Lim, sineryoso ng biktima ang problema sa pag-ibig kung saan nakipaghiwalay sa kanyang kasintahan. Napag-alamang makikipagbalikan ang biktima subalit mariing tinanggihan ng babae. Ricky Tulipat