Pinag-agawang granada sumabog, 2 patay

MANILA, Philippines – Isang pulis at isang la­laking may diperensya uma­no sa pag-iisip ang na­matay nang sumabog ang pinag-aagawan nilang gra­nada sa harap ng pre­sinto ng pulisya sa Bau­ngon, Bukidnon kama­ka­lawa ng gabi.

Kinilala ni Police Regional Office 10 Director Chief Superintendent Da­nilo Empedrad ang nasa­wing pulis na si P02 Leo Nalitan, miyembro ng Ba­ungon Municipal Police Station.

Sinabi ng pulisya na na­unang nambihag at nana­kot ng mga pasahero ng isang pampasaherong De­lica van ang isa pang na­sawi na si Renato Babua.

Nauna rito, may bitbit na granada si Babua nang bihagin niya ang limang pasahero ng van na mi­namaneho ni Ramjude Marban. 

Napilitan si Marban na ihinto ang sasakyan sa tapat ng himpilan ng pu­lisya upang humingi ng tulong.

Sinabing nais ni Babua na magpahatid sa Kino­guitan, Misamis Oriental lulan ng service vehicle ng pamilyang Marban pero tumanggi ang driver dahi­lan hindi niya ruta at mas­yadong malayo ang lugar.

Nagresponde naman si Nalitan, pinababa ang mga pasahero at pilit na pina­susuko ang suspek na nag­matigas na tumalima.

Nang mapagtanto ni Nalitan na hindi susuko ang suspek na akmang tatanggalan ng pin ang granada upang ihagis sa mga pasahero napilitan ang nasabing parak na makipag-agawan sa eks­plosibo.

Pero sumabog ang gra­nada habang nagpapam­buno ang dalawa na siya nilang ikinasawi.