Bombay sinagip ng security escort ng judge sa kidnapper

MANILA, Philippines - Nasilat ng mga security escort ng dalawang huwes ang tangkang pagdukot sa isang negosyanteng Indian national matapos na maki­pagbarilan sa mga kidnapper na ikinasugat ng driver ng isa sa mga opisyal sa Co­tabato City kahapon ng tang­hali.

Kinilala ni Armed Forces of the Philippines-Eastern Min­danao Command Spokesman Major Randolph Ca­ bang­bang ang nasagip na biktima na si Manohar Mike Khe­mani, may-ari ng Sugni Su­perstore at residente ng Bonifacio St., Cotabato City.

Isinugod naman sa pa­gamutan ang nasugatang driver ng negosyanteng Bombay na si Christopher Aracena habang ligtas na­mang nakapuslit sa mga kidnapper si Khemani.

Sinabi ni Cabangbang na naganap ang insidente ha­bang lulan ang mag-amo sa landcruiser galing sa pakiki­pagpulong sa Sardonyx Plaza nang harangin ng tatlong armadong kalala­kihan na pinaghihinalaang miyembro ng kidnap-for-ransom gang sa kahabaan ng highway ng Gutierrez Ave­nue, Barangay RH 7, Cota­bato City.

Puwersahang kinakalad­kad palabas ng sasakyan ng mga kidnapper si Khemani nang magkataong napa­daan ang convoy nina Judge Ibrain Bansawan, Executive Judge ng Branch 13, at Judge Ben Garcia ng Dole 12 kasama ang kanilang mga security escorts.

Nang makita ang komos­yon ay kaagad pinaputukan ng mga security escorts ang mga kidnapper na nakipag­barilan sa mga ito.

Napilitan namang mag­sitakas ang mga suspek pa­tungo sa Malagas area na nabigong matangay ang target na negosyante pero na­su­gatan ang driver nito sa pa­litan ng putok. (Joy Cantos)