Killer ng reporter, naaresto

MANILA, Philippines – Dahil sa pagkakasangkot sa panibagong pagpatay, naaresto ng pulisya ang  dalawang pangunahing suspek sa pagpatay sa isang radio reporter sa isinagawang operasyon sa bisinidad ng Oroquieta City, Misamis Occidental kamakalawa.

Isinasailalim na sa tactical interrogation ang suspek na sina Roel Jumalon at Jeffrey Alson na kapwa residente ng Calamba, Misamis Occidental. Ayon sa ulat, si Jumalon ang itinuturong bumaril at nakapatay sa radio reporter na si Ernesto Rollin noong Pebrero 23 sa Oroquieta City.

Ayon din sa police report, si Jumalon rin ang bumaril at nakapatay kay SPO1 Juanito Dominguez habang ito ay nagmomotorsiklo patungo sa simbahan sa nabanggit na lungsod. (Joy Cantos)