MANILA, Philippines - Tatlong sundalo ng Army’s 11th Infantry Battalion ang iniulat na nasawi habang isa pa ang nakaligtas matapos tambangan ng mga rebeldeng New People’s Army kahapon ng umaga sa liblib na bahagi ng Sitio Busay sa Brgy. Hilaitan sa bayan ng Guihulngan, Negros Oriental. Sa phone interview, kinumpirma ni Lt. Col. Franco Nemesio Gacal, commander ng Army’s 11th Infantry Battalion (IB) ang pagkamatay ng kaniyang tatlong sundalo, gayon pa man, tumangging pangalanan. Nabatid na sakay ang apat na sundalo ng habal-habal na bumabagtas sa bisinidad ng Sitio Busay, patungo sa sentro ng Guihulngan para mag-withdraw ng pera sa ATM nang mangyari ang insidente. Nakatalon naman ang isang sundalo na tinukoy lamang sa panga lang Pfc. Gonzaga kaya nakaligtas sa pananambang. Joy Cantos