MANILA, Philippines – Malagim na kamatayan ang sinapit ng isang batang babae makaraang matusta sa nasusunog nilang bahay habang na sugatan naman ang ina nito kamakalawa sa Purok 2, Mt. Diwata, Compostela Valley.
Halos matusta ang katawan ni Rhea Ann Sagura sa grabeng pagkasunog ng katawan habang ang ina na si Maricel Sagura ay nagtamo ng paso sa kanang balikat.
Sa ulat na nakarating sa Camp Crame, lumilitaw na natumba ang kandila mula sa kusina ng pamilya Sagura kaya mabilis na kumalat ang apoy at nadamay sa sunog ang sampung kabahayan. Naapula naman ang apoy bandang alas-4 ng hapon. (Joy Cantos)