MANILA, Philippines – Pito katao ang nasugatan nang aksidenteng araruhin ng isang truck ang kasalubong nitong van sa kahabaan ng highway sa KM 36 Topdak, Atok, Benguet kamakalawa. Kabilang sa dalawang malubhang nasugatan sina Mike Arthur Gideon, driver ng Elf truck na nabalian pa ng buto sa kaliwang tuhod at ang isa pa ay ang ’di tinukoy ang pagkakakilanlan na driver ng van. Ang lima pang sugatan ay mga pasahero naman ng van na mabilis na isinugod sa Baguio General Hospital habang ang dalawang driver ay ginagamot naman sa Saint Louis University Hospital.
Binabaybay ng van ang kahabaan ng lugar nang aksidenteng araruhin ito ng humahagibis na Elf truck. (Joy Cantos)