MANILA, Philippines – Tatlong rebeldeng New People’s Army ang bumulagta habang limang iba pa ang nasugatan matapos makasagupa ang tropa ng militar at pulisya sa liblib na bahagi ng Brgy. Magsaysay sa bayan ng Palapag, Northern Samar noong Martes ng umaga.
Ayon sa spokesman ng Army regional office, sumiklab ang sagupaan sa pagitan ng tropa ng Army’s 63rd Infantry Battalion at grupo ng mga rebelde matapos maaktuhang nangingikil ng revolutionary tax sa mga residente sa nasabing lugar
Sa kasagsagan ng bakbakan, na tatlong rebelde ang tumimbuwang na inabandona naman ng mga nagsitakas nilang mga kasamahan habang inaalam pa ang pagkakakilanlan sa tatlo.
Wala namang naiulat na nasugatan at nasawi sa panig ng tropa ng pamahalaan, ayon pa sa opisyal.
Narekober sa pinangyarihan ng sagupaan ang isang M16 rifle, carbine rifle sa tabi ng bangkay ng napaslang na tatlong rebelde. - Joy Cantos