Wanted na kidnaper, tiklo

LEGAZPI CITY, Albay, Philippines – Rehas na bakal ang binag­sakan ng isang wanted na kidnaper sa Davao del Norte matapos maaresto ng pulisya sa isinagawang operasyon kahapon ng madaling-araw sa Barangay Fabrica sa bayan ng Mobo, Masbate. Sa bisa ng warrant of arrest na inisyu ni Judge Justino Aventurado ng Tagum Regional Trial Court Branch 2, naaresto si Edgardo Ferolino ng Barangay Kinamaligan, Masbate City na may kasong kidnapping at serious illegal detention. Napag-alaman din sa tala ng pulisya na si Ferolino ay may patong sa ulo na P175,000 base sa DILG memorandum Circular na may petsang March 9, 2009. - Ed Casulla