Misis Dinukutan sa simbahan

MARILAO, Bulacan, Philippines — Maging ang banal na sim­bahan ay hindi na rin ligtas sa mga masasamang loob matapos na dukutan ng isang babae ang katabi niyang kapwa babae na na­nanalangin sa isang kilalang simbahan sa lugar na ito.

Halos hindi makapani­wala ang biktimang si Ma. Teresa De Guzman, 37, may-asawa, residente ng Barangay Bambang, Bo­caue, Bulacan sa ginawa sa kanya ng suspek na si Leo­nora Samson 38, may-asa­wa, walang trabaho, at re­sidente ng Harmony Hills, Barangay, Siyudad ng San Jose Del Monte.

Sinabi ni de Guzman na nagdadasal siya sa sim­bahan ng Divine Mercy Shrine sa Barangay Sta. Rosa I, sa Marilao kahapon ng umaga nang tinabihan siya ng suspek.

Nagulat na lamang si De Guzman na pilit siyang gini­gitgit ni Samson ga­yung da­dalawa lamang sila sa pang­maramihang upuan. Sa una ay hindi niya pinapansin ito ngunit na­gulat na lamang siya na unti-unting guma­gaan ang kanyang shoulder bag.

Nang busisiin niya ang kanyang bag ay nakita niya na nasa kamay na ng sus­pek ang kanyang pitaka at isang cell phone dito.

Nakasigaw at nakahingi ng tulong si de Guzman hang­ gang madakip ng pulis­ya ang suspek. (Dino Balabo)