Sanggol na nilapa ng aso, ligtas na

PAMPANGA, Philippines – Himalang nakaligtas sa karit ni kama­tayan ang anim na buwang gulang na sanggol na sina­sabing nilapa ng aso na may lahing pitbull noong Linggo ng umaga sa bayan ng Can­daba, Pampanga.

Naisugod sa Jose Reyes Memorial Hospital sa May­nila ang batang si Revin Mallari matapos pagtulu­ngang alisin sa bunganga ng aso sa ba­kuran ng kanilang bahay sa Sitio 3, Brgy. Bahay-Pare sa nabanggit na bayan.

Samantala, ang aso na­ mang si Bruno ay nakaku­long pa rin at patuloy na inoobserbahan bilang bahagi ng proseso kapag nakakagat ng tao.

Ayon sa katiwala ng pa­milya Mallari na si Jun Soli­man, nakatali ang asong si Bruno sa punongkahoy ha­bang natutulog ang sanggol sa duyan habang namama­lantsa naman ang ina nito katabi lamang din ng bata.

Biglang nakalas sa pag­kakakadena ang aso at agad na sinakmal sa ulo ang natu­tulog na bata.

Napag-alamang kay Jan-jan Vargas, may kalakasan ang aso at mahigpit ang pagkakakagat nito sa ulo ng sanggol kayat kahit na apat-katao na ang nagtulung-tulong ay nahirapan silang alisin ang bata. Dino Balabo