CAMP SIMEON OLA, Legazpi City , Philippines – Pinaniniwalaang problemang pampamilya ang isa sa motibo kaya pinagbabaril hanggang sa mapaslang ang isang magsasaka ng kanyang manugang kamakalawa ng hapon sa Sitio Manape, Barangay Manapao sa bayan ng Claveria, Masbate.
Napuruhan sa ulo ng bala ng M16 Armalite rifle ang biktimang si Florencio Mahusay, samantalang tugis naman ng pulisya ang suspek na si Rey Tomambak ng Sitio Curvada, Barangay Poblacion.
Ayon sa ulat ng pulisya, nagpapahinga ang biktima sa labas ng kanyang tahanan nang lapitan at ratratin ng suspek. Ed Casulla